我的2008 發生很多第一次 第一次fyp 第一次去華東 第一次去埃及 第一次去歐洲 第一次參與奧運 亦經歷人生重要的日子 大學畢業 金融海嘯 搵工低潮期 fyp 深深覺得supervisor很重要 壓力很大 除左Simon 一開始我都俾左自己唔少壓力 每次見simon都好緊張 因為佢真係每次都要嚇我 我不是aim at A 但我的性格是 如果開左個頭 我唔會俾自己隻眼開隻眼閉 我希望係我能力之內做到最好 但做做下會認為可以完成已經好叻 所以用過來人身份講句 放鬆啲 但現在 最想說的是 Simon is a good supervisor 我慶幸我係跟佢 正如好多時候根本唔知道自己做緊啲咩 亦睇唔到同將來有咩關係 but who knows 沒有今天這件事將來就不一樣 旅行. 我好喜歡旅行. 我從未想過在大學時期去埃及, 去坐郵輪歎世界. 但我真的去了埃及呀 你問我埃及有咩特別野睇 神殿同埋金字塔 埃及有咩食 唔係好啱食 加上病左一半旅程 但我仲係覺得好快樂!! 因為跟對的人去了 坐通宵火車不舒服 但我會記著Lovers group霸左人地一整卡車廂 晨早係狹窄的通道影相 還有跟Thomas鬥高 是何等快樂. 歐洲呢. 旅程是out of expectation 唔見左行李 overnight train中途落車同一大班乘客一齊奔跑上巴士上船上巴士再上火車miss站 重點係我地唔識意大利文唔知發生咩事 係Cambridge訓到半夜有類似賊人入左我地間房然後一整晚都好擔心 Come on嗰陣真係好想改機票返屋企 但如果唔係咁 我無機會見識到Silicy真正美麗的一面 過左兩朝扮有錢女的日子 好似爹d俾幾十萬我地去歎世界咁 那個無敵大海景露台 朝早俾雀仔叫醒俾海浪聲催眠 我一世都唔會忘記 北京呢. 我淨係記得美好的 一齊去行夜市去玩傾心事嘗試做運動 露台的故事 仲有晨早起身發現枕頭邊有異物 北京的雞翼同串燒真係好好味!!*v* A級杯麵 明明都已經買左十幾包返HK 但都係唔及A2-4-5的好味 因為一碗會6個分 一人幾啖有得爭 大學畢業. 原來咁就叫畢業. 行禮影相攞證書. 我知道我4年來得到的不只一張畢業證書 還有友誼回憶 上次Phoebe俾我睇返Year 1第一堂b-law後影嘅相 嘩 唔講真係唔知 有無3年前咁耐呀? 當時我個頭係紅色ga!!哈哈. 有無印象先? 金融海嘯 搵工低潮期. 經歷到由高處走向低處, 真的很低很低, 由懂得欣賞自己, 變成討厭自己, 一點都不了解自己. 或者嚴重啲講 我廿年人從未遇上這樣大的挫折 期間我的心情像坐過山 一時好有信心一時失去希望 流左好多眼淚 我質疑自己的能力討厭自己成為屋企的負累 雖然好多朋友安慰我家人從沒有俾壓力我 但坦白說我一句都聽唔入耳 每日就係自己同自己角力 那是一段好長好累的時候 因為完成控制不了自己情緒 就算表面笑著但其實卻很不快樂 平時大家都覺得我係一個好樂觀的人 好鍾意笑 但偏偏呢段期間我就不斷發脾氣 盡量唔見人 當察覺到呢個轉變後 我就更加唔鍾意自己 但我想講 I have overcome this depression period! 2008 我花了時間去觀看別人的生活 每日可以唔開msn, 唔開email, 但一定會睇blog, 仲要係唔識嗰隻 睇下其他人發生咩事 成日自己一路睇一路笑 因為每個人的人生道路都不同 你遇到的我不一定遇到 偷睇人地生活片段係一件幾得意的事 我都唔知點解 好似上左癮咁 家人. 係後半年發多左脾氣 其實我對家人都唔錯ga我覺得 嘩哈哈 其實屋企人不嬲都係我的第一位 我無講之麻 對於屋企人 我係屬於將感情埋藏係深深處那一類 不會說甜言蜜語不會擁抱 但佢地係我考慮事情的大大factor 這一年亦感受到屋企永遠係我最鍾意最想停留同俾最多後緩避風塘的地方. 朋友. 還是愉快的跟大家相處了一年. 今年跟宜姐竟然狠狠地攤左兩次牌, 而且有一次仲要係浪漫的威尼斯!! 嗰度有我最鍾意食的開心果味gelato好不好!!之後都食唔返咁好味!! 兩次吵架我都會諗, 你最巴閉, 朋友之中你令我流最多眼淚! 哈哈, 但感激你多謝你! 無論點樣, 你都會坐係遠處靜靜地望著, 確保我無受任何傷害. 每次傾完之後, 我地好似又認識多左咁. 雖然過程是流著淚 有很多不理解的原因 但 我都係好想向你表白 我真係好鍾意你 無論將來發生咩事 你都係我好重要的家人 另外呢 有一個朋友 我不知道該說什麼 因為我都唔太知道過程發生左咩事 結果就係我一年前想像唔到的. Um...我好似明白佢嘅想法 但另一方面又唔係好理解佢做嘅事 反正人生有好多事就係控制唔到 我都唔會強求 順其自然啦 放心我無講悔氣說話 係心嗰句我唔想朋友左右難做 總陪在自己身邊的 卻漸漸的離我遠去 直到我雙手所不能觸及 另外呢仲有啲朋友 哈哈 今年熟左好多 感情大躍進 即係第時封利是又要大封啲!! 衷心的感謝你 在我最最最低潮時陪我走過 我沒有朋友說那麼好 但我卻遇到很多很好的朋友! 2009年請大家繼續多多指教! To conclude: 我的2008是開心的!!!! 還有想說的是, 返工前煲了最後的日劇: 求婚大作戰 很好看!! 有意思有message的 接受了過去的一切 毫不動搖地活在當下 為什麼小時候 那麼容易就能辦到的事情 愈長大就變得愈困難呢 跟失敗比起來 根本沒有做的後悔會痛苦好幾倍 看完後會令你很有衝動去幹一番事 那些你說明天才去做也不遲的事 不可以這樣 因為這種想法會令你錯過很多很多東西 你是否常常有種想法: 如果可以返去以前就好 我會點點點 回想我的2008 幸好 我沒有這種想法 因為重要的事我一定會做 只不過是最後時刻last minute 朋友都說 有時我的想法太理性 考慮太多因素 或許2009年我會非理性 不顧後果地衝 你地即管等住聽我說震撼的事情 我要你地口中說出: 嘩 真係無諗過呢個係晶晶 well 我講下姐 2009年, 我想 身邊所有人都健康快樂! 同其他人關係愈來愈好! 享受自己為自己做的每一件事! 要比以前更暸解自己, 更加堅定! 祝大家找回失去的自己, 唔好忘記自己嘅理想!! 比最後時刻早一點點 過一個不後悔的2009! | 
